Ny Sampana Tanora Kristiana avy ao amin’ny FJKM ANOSIZATO HEBRONA dia faly manasa anao ho tonga, hanatrika ny kaonseritra toy ny fanao isan-taona, ho fiderana, ho fankalazana ary ho fisaorana an’Andriamanitra noho ny fahatsiarovana ny fahaterahan’i Jesoa Kristy.
Ny sangan’asa hiangaliana amin’izany kaonseritra izany dia ampahany amin’ny hira noely ao amin’ny fihirana FFPM sy ny Messe de Couronnement an’i Mozart.
Marihana manokana fa misy ny fiaraha-miasa amin’ny rantsana Zava-maneno avy ao amin’ny STK Foibe, izay miandraikitra ny fibaikona sy ny fitendrena zava-maneno isan-karazany amin’io fotoana io.
Manantena ny fahatongavantsika maro.
Ho an’Andriamanitra irery ny voninahitra